99 ZİLZÂL SÛRESİ

99-сүрө “Залзала[1]”

Мединада түшүрүлгөн. Сегиз айаттан турат.

Мээримдүү, Ырайымдуу Алланын аты менен.

1.     Жер силкинип титиреген кезде,

2.     Жер өз ичине камтыган (дүнүйө-мүлк жана өлүктөрдү) сыртка чыгарып салган кезде,

3.     «Буга[2] эмне болду?»  – деп инсан айткан кезде,

4.     Дал ошол Күнү Жер (өзүнүн үстүндө эмне окуйалар болгонун) кабар берип сүйлөйт.

5.     Анткени бул сенин Эгеңдин ага[3] берген буйругу.

6.     Мына ошол Күнү адамдар өздөрүнүн[4] амалдары көргөзүлүп, топ-топ болуп чыга келишет.

7.     Демек, кимде-ким кыпындай жакшы иш кылган болсо аны көрөт,

8.     Кимде-ким кыпындай жаман иш кылган болсо аны да көрөт.

---

[1] Залзала – Жер титирөө.

[2] Жерге.

[3] Жерге.

[4] Жаман-жакшы