101 KÂRİ'A SÛRESİ

101-сүрө “Коори’а[1]”

Меккеде түшүрүлгөн. Он бир айаттан турат.

Мээримдүү, Ырайымдуу Алланын аты менен.

1.         Каккылоочу[2].

2.         Ал катуу каккылоочу нерсе.

3.         Ал каккылоочу эмне экенин кайдан билесиң?

4.         Ал адамдар чачырап, башаламан болгон көпөлөктөр сымал боло турган күн.

5.         Ошондой эле[3] тоолор тозуган жүн сымал болот.

6.         Демек, ошол күнү кимдин таразасы[4] оор болсо,

7.         анда ал ыраазы боло турган жашоодо (болот).

8.         Ал эми кимдин таразасы жеңил болсо,

9.         анда анын бара турган жери жар болот.

10.    Анын[5] эмне экенин кайдан билет элең?!

11.    Ал ысык от!

---

[1] Коори`а – каккылоочу.

[2] Кыйамат күн.

[3] Тигил күнү.

[4] Сооп амалдары.

[5] Жардын.