104 HÜMEZE SÛRESİ

104-сүрө “Хумаза[1]”

Меккеде түшүрүлгөн. Тогуз айаттан турат.

Мээримдүү, Ырайымдуу Алланын аты менен!

1.     Тили жана кыймыл-аракети менен кайбат[2] кылуучуга азап болсун!

2.     Ал мал-дүйнө топтоп, аны санаган.

3.     Топтогон мал-дүйнөсү аны түбөлүктүү кылат деп ойлойт.

4.     Жок! (Андай болбойт) ал сөзсүз “быркыратуучуга” [3] (тозокко) ыргытылат.

5.     “Быркыратуучу” эмне экенин билесиңби?

6.     Ал Алланын жагылган оту[4] (тозогу).    

7.     Ал (денени көзөп өтүп) жүрөктөргө чейин жетет.

8.     Албетте, ал алардын үстүнө жабылат.[5]

9.     Тартылган устундардын ичинде (болушат). 

---

[1] Хумаза – кайбатчы.

[2] Башкалардын түзүлүшүндөгү жана мүнөзүндөгү кемчиликтерди айтып көзү жокто жамандоо.       

[3] Тозокко.

[4] Тозогу.

[5]  Чыга алышпайт.