62 CUM'A SÛRESİ

62- сүрө «Жума[1]»

Мединада түшүрүлгөн. Он бир айаттан турат.

Мээримдүү, Ырайымдуу Алланын аты менен!

1.     Асмандар менен Жердегилердин баары Падыша, Ардуу, Кудуреттүү, Даанышмандык ээси болгон Алланы аруулашат.

2.     Ал (Алла) караңгы элге[2], алардын өздөрүнүн эле ичинен Пайгамбар жиберди, ал тигилерге Анын айаттарын окуп берет, аларды тазалайт, окууга жана акылман даңкка үйрөтөт: алар бир аз эле мурда анык адашкан, караңгы (эл) болушса деле,

3.     Жана алардын арасындагы тигилерге алиге чейин кошула элек башкаларга дагы[3]. Ал – Кудуреттүү, Даанышман.

4.     Ал Алланын ырайым-мээримдүүлүгү. Ал аны каалаганына (пендесине) берет. Анткени Ал – Улуу Ырайым ээси.

5.     Тоорат[4] берилип, анан ага амал кылбай койгондордун мисалы – китептерди көтөрүп жүргөн эшектер[5] сыйактуу. Алланын айаттарын жалган дегендер кандай жаман коом. Алла адашкан элди туура жолго салбайт.

6.     (Мухаммед!): “Эй, иудейлер![6] Эгер силер өзүңөрдү башка элдердин арасынан биз гана Аллага жакынбыз деп билсеңер анда (өзүңөргө) өлүмдү каалагыла! Эгер силер чын болсоңор”, – деп айт.

7.     Алар өз колдору менен кылган иштеринин[7] себебинен эч убакта (өлүмдү) тилей алышпайт. Алла – адашкандарды Билүүчү.

8.     “Силер кутулуу үчүн качып жаткан өлүм силерге жолугат[8]. Андан соң силер жашыруундарды да жана ачыктарды да Билүүчүгө кайра кайтарыласыңар, ошондо Ал кылыгыңарды өзүңөргө кабарлайт.  

9.     Эй, ыймандуулар! Жума күнү жума намазга азан айтылса, Алланы эскерүүгө[9] шашылгыла. Бардык соода-сатык ишиңерди токтоткула![10]  Эгер билген болсоңор бул силер үчүн эң жакшы!

10.      Качан намаз айактаса жер бетине[11] таралгыла жана Алланын ырайымын издегиле. Анан да Алланы көбүрөөк эстегиле; мүмкүн ийгиликке жетесиңер.

11.       Ал эми алар соода-сатыкты, же (көңүл ачуучу) ойун-зоокту көрөр замат сенин үгүт-насаатыңды таштап, баары ал тарапка жөнөшөт. (Аларга): “Алланын алдындагылар[12] ойун-зоок жана соодадан көрө жакшы, Алла ырыскы берүүчүлөрдүн эң жакшысы”, – деп айт. 

---

[1] Жума – Апта күндөрүнүн төрөсү

[2] Исламга чейинки динсиз жана сөлөкөттөргө сыйынып келген элдерге.

[3] Араб эмес элдер.

[4] Мусага (а.с.) жана анын коомуна берилген китеп.

[5] Иудейлердин (йахудийлер) ал Китепке кандай мамиле кылганына карата салыштыруу иретинде айтылган.

[6] Тооратты тутунган иудейлер.

[7] Жасаган күнөөлүү иштеринин.

[8] Баары бир бир күн өлөсүңөр.

[9] Намазга.

[10] Ошол жума күнү  түш оой намазга азан айтылар менен соода-сатык арам болот, намаз бүткөнгө чейин.

[11] өз ишиңер менен ар тараптан.

[12] Анын бере турган эки дүйнөдөгү ырыскы, ийгилик, сыйлыктары.