100 ÂDİYÂT SÛRESİ

100-сүрө “`Адийат[1]”

Меккеде түшүрүлгөн. Он бир айаттан турат.

Мээримдүү, Ырайымдуу Алланын аты менен.

!

1.        Дүбүрттүү күлүк аттарга ант!

2.        (Туйактарынан) от чачыраган (күлүк) аттарга ант!

3.        Таңда (казатка) чабуул койучу аттарга ант!

4.        (Ошол күлүк аттар) чаңды обого уюлгутат.

5.        Топту жарып ортого кирет.[2]

6.        Ырасында, инсан өз Эгесине капырлыгы (менен) чектен ашкан.

7.        Буга ал[3] өзү да күбө.

8.        Акыйкатта инсандын ырахат-жыргалды жакшы көрүүсү өтө күчтүү.

9.        Билишпейби?! Эгерде мүрзөлөрдүн ичиндегилер чыгарылса,

10.    жана да жүрөктөрдөгү (катылган) нерселер ачылса,

11.    аныгында алардын Эгеси ошол күнү тигилер жөнүндө толук кабардар.[4]

---

[1] Адийат – дүбүрттүү күлүк.

[2] Ошондой эле тиги күлүктөр.

[3] Инсан.

[4] Алла Таала Кыйамат күнү пенделеринин ар биринин амалдарын ийне-жибине чейин билип турат.